• Denaro e spada
• 1799-1848
• 1848-1861
• 1861-1870
• La guerriglia
• I Borbone
• L'Esercito
• Sulphur War
• Gladstone
• I Banchi
• Ferrovie
• Napoli
• Patria e Matria
• Indipendenza

• Macroregione
• Mediterraneo
• Meridionali
• Stampa
• Nino Gernone
• Zenone di Elea
• Angelo D'Ambra
• Grafici
• Arte e cultura
• Eventi
• GnuPG

 

 

 

 

 

 

 

 

 

 

 

 

 

 

 

FERDINANDO RUSSO Sinfonie d'amore NAPOLI VITO MORANO EDITORE Via Roma, 40 1905

Ve vengo appriesso...

I.
Ve vengo appriesso comme fa nu cane
ca corre sempe appriesso a lu patrone,
� ve guardo cu l’uocchie ’e passione,
e sonno, e sonno, li ghiurnate sane!
Ogge ve veco? E gi� penzo a dimane:
“Dimane ’a vaco appriesso...! Faccio buone?
“M”o menarr�, n’uocchio ’e compassione?
E ’o core sbatte, e nfra s� e no rummane...
Po’ vuie passate! Tutta janca e bella,
cumm’ ’a chesti ghiurnate ’e primmavera,
me parite nu giglio o na rusella,
e ’o core mio ve chiamma: e l’uocchio dice:
“Zuccariello d’ammore! Oi palummella!
“Quanto, l’ammore tuio, p� fa felice!.. „
II.
E vuie tenite!’ uocchie accuss� doce,
e nu surriso tanto aggrazziato,
ch’io, si ve guardo, nce resto ncantato,
e si vaco a parl� me manca ’a voce!
So’ nnammurato, s�! So’ nnammurato!
Comm’ ’a nu tizzo chistu core coce,
e sbatte e sbatte, e corre cchi� veloce
de nu cavallo ch'� scapuliato!
Vuie che dicite? E nun tenite a menta
ca site ’o suonno mio, suonno d’ammore,
ca tutte li nuttate s’appresenta?
S�, s'appresenta, e nun me fa durm�;
e stu turmiento amaro ’e tutte ll’ ore,
core mio, core mio, ve l’aggia di’!...
III.
Ve l'aggia di'! Me basta na parola,
nu signale, na mossa, na guardata!
E’ chest’anema ardente e nnammurata
vicino ’o core vuosto se ne vola!
Dicitemmella, na parola soia!
Mannatemmella, na meza mmasciata!
Nun costa niente, na parola amata,
e stu core scuieto se cunzola!
Ah, quant’ � bella, dopp’ ’a notta nera,.
n’alba rusata cu na lenza ’e sole.
e doppo ’o vierno ’a luce ’e primmavera!
Che pienze, core mio? Comme vuo’ fa?
dimmelle sulam�nte doie parole,
ca sulamente tu, me pu�’ san�!

Te l'aggio ditto...

I.
Te l’aggio ditto! St’uocchie miei parlavano
comme parlava ’o core,
e, fisse dint’ ali’ uocchie tuoi, cantavano
na -canzona d’ammore!
Quanno tu, janca comm’� ghianca ’a luna,
m’accumparive e me tenive mente,
da miezo ’o core mio saglieva tiennero
nu suono ’e sentimente.
'E se spanneva, e viaggiava all’aria
comm’ all’ auciello, ca nun po’ sap�
si va, si vene e quanto resta libbero...
Ma ritornava a te!
Tutto pe te! Tutto pe te! No spasemo,
nu strillo ’e passione,
na spina, nu turmiento, e dento palpete
cchi� duce ’e na canzone!
St' ammore mio t’ accarezzava l'anema
comm’ a n’ addore ’e rosa o ’e giesummino,
comm’ a li stelle ca p’ ’o cielo luceno,
comm’ a nu suonno dint’ a nu ciardino...
E tu sapive ca pe tte patevano
l’anema, ’o core, ’a vita mia scujeta,
comme patisce int’a nu sutterranio
nu fravecato vivo sott’ ’a preta!
Ah! Si st’anema mia putesse dicere,
anze, si te sapesse fa capi
tutt’ ’e ttempeste ca pe tte l'affocano
e ciento vote ’o vonno fa muri,
te diciarr�a ca chi stampai ca l’anema
resta eterna e nun more,
nun ha provato tuttuquante ’e spaseme
ca po’ suffr� n’ ammore!
Nun ha provato chello ca guard�nnote
stu core sape e nun s’’o ppo’ scurd�,
e quant’ati suspire, e quanta l�creme,
e che turmiente ancora ha da pruv�!

Oi vocca doce.

Oi vocca doce, oi vocca nzuccarata,
cchi� nzuccarata assai de l’uva spina;
oi vocca sapurita, oi vocca fina
che ’a sinfunia d’’e vase m’ ha mparata;
vocca cianciosa mia, ca m’ ha cantata,
senza voce, na museca straf�na;
vocca zucosa cchi� de na curvina
ca tutt’ ’a vita mia m’ha cunzulata;
vocca ca sape tutt”a passione,
vocca ca sola me po’ fa felice,
armuniosa comm’a na canzone;
st’ anema mia ca nun s’’a scorda mai
s”a sonna sempe; e dint’ ’o suonno dice:
— Io tengo sete ’e te! Vaseme assai....

Na campana luntana

Na campana luntana
manna ’e suone p’ ’o cielo...
Sona n’ata campana
cchi� vicina e cchi� chiana.
Vola nu passariello
ncopp’ ’a fenesta mia...
st’anema ’nfantasia
se mette a suspir�...
E penza: ’o sole � d’oro,
l’aria � serena e doce...
Quanta campane, a coro!
Che museca, sta voce!
So’ sguigliate ’e vviole
da l’erba d”e ciardine...
Sulo na sepa ’e spine
dinto a stu pietto sta!
Pasca! � turnato Aprile!
Tutto se sceta, attuorno!
Sento n’addore ’e rosa...
l’aruta � cchi� addurosa...
L’uocchie d”a gente luceno,
’o cielo � nu tesoro...
Quanta campane, a coro!
Quanta felicit�!
Tutto se cagna, e piglia
na faccia cchi� cuntenta...
Dinto ’e ciardine ’a menta
se fa cchi� verde, e sguiglia...
Veco, da na fenesta
rimpetto a me, luntana,
nu saluto ’e na mana...
Va trova add� jarr�...!
A me, no, certo! Io stongo
comm’a chillo ch'� nato
cecato... Ma cecato
senza put� sper�
ca nu juorno, nu raggio
lle riturnasse ’a vista...
E chesta vita nzista
s’affanna a sbari�!
Pasca! Nu mare ’e sciure
venute ’a paraviso
ncopp’a lu munno � sciso
pe cunzul� ’e delure...
’A gente va p”e strate
cu ’e ppalme, e dice: “Pace! „
Che balzamo verace
chesta parola d�!
Pasca! Nu passariello
zompa ncopp”o balcone
e canta na canzone
cu ’o stesso riturnello:
“Ci-ci... Che fai? Che pienze?
“Chill’uocchie addulurate
“add� stanno ’ncantate?
“Add� vanno a guard�? „
Io guardo a chella mana,
mana luntana e ghianca,
ca da chella fenesta
saluta, e mai se stanca....
A chi va, chillo segno?
A chi, chillo saluto?
E ’o core appecundruto
se sfoca a smani�...
Pur’ io, pur’ io, na vota,
tenevo a na manella
sfusata e tunnulella
pe farme accarezz�...
Ma stu ricordo caro
ca m’� rummaso 'ncore,
� muorto cu l’ammore
tante, tant’anne fa!
Pur’ io, na faccia d‘ angelo
aggio vasato mmocca,
vocca ’zucosa ’e zuccaro
comm’ ’e ccerase a schiocca...
E st’uocchie ca mo chiagneno
p”o bene, ahimm�, perduto,
pure l’hanno saputo
l’ammore che po’ d�!
Pasca! Serena � ll’aria
e sonano ’e ccampane!
Attuorno, ’e rrose sguigliano...
Se ntrezzano li mmane...
Sulo ’o ricordo caro
ca fa speri stu core,
se perde cu l’ammore,
tante... tant’anne fa...

E t'aggio vista.. 

E t'aggio vista, o Bella ‘e tutt’e Belle,
cu l’uocchie cchi� lucente e appassiunate
Uocchie d’ ammore, ca m’aggio suonate
guardanno ’o cielo e cuntemplanno 'e stelle.
Si’ t�, si’ sempe tu, Core ’e stu core,
nata pe fa suffr� comme soffr’io!
Luce d”o sole e Sinfunia d’Ammore,
sciore d”e sciure, e sentimento mio!
Si’ tu, si’ sempe tu, Raggio de luna,
Culonna d’oro e Specchio ’e passione;
Fata d”e Ffate, Rota d”a Furtuna,
Curona ’e perle, Stesa ’e na canzone!

Si’ tu, si’ sempe tu! T’ aggio guardata,
e ’o core mio, comm”a na lampa ‘e fuoco,
ha suspirato e ha fatto una alluminata,
ca p”a stut� tutto nu mare � poco!
E nnanz’all’ uocchie tuoi, criate ’a Dio
pe fa ved� ca ’e stelle nun so’ niente,
chist’uocchio stanco e addulurato mio
t’ha dato ’a luce ’e tutt”o sentimente!
Io vasarria la strata add� cammin�,
e, si vulisse, te farria ved�.
comme stu core, puntiato ’e spine,
desse turmiente, e palpete pe te!
E chest’anema mia, si mo putesse,
comm’ a na rosa t’’a vurria purt�,
e cuntento sarria si t’’a vedesse
fronna pe fronna, mmano a tte, sfrunn�!

Che fai, tu sola?

Che fai, tu sola? Pienze quacche vota
a chi sonna 'a luntano e se dispera?
Comm’ a na stella int’ a na notta nera
dint’a st’anema mia d�i luce tu...
Ma mo che fai? Me pienze, quacche vota?
O puramente nun me pienze cchi�?
Pienzeme assai, ca songo scuraggiato!
Me passano p”a mente tanta cose...
Veco cchi� spine, attuorno a me, ca rose,
e manco ’o sole me cunzola cchi�...
E stu core se sente abbandunato...
Strazzio che pu�’ cap� sultanto tu...
Tu ca si’ bella e tiene ’o core bello,
e tiene l’uocchie tanto appassiunate;
tu, ca passave sti manelle amate
dinto ’e capille miei pe me vas�,
chisto core scujeto e puveriello
tu sulamente ’o pu�’ cunzider�!
Io me metto paura! A me me pare
ca sta felicit� ca m’� venuta,
da quanno, Bella, t’ aggio canusciuta,
da quanno, Cara, me diciste s�,
s’ha da cagn� cu ciento pene amare,
de ciento morte m’ha da fa muri!
Nuttata nera ca me mette nfronte
penziere nire e l�creme p’ ’o chiante!
Nuttata nera e sventurato amante
ca se dispera senza nu pecch�...!
St’anema mia corre da mare a monte,
sbatte comm’ a na tenca e chiamma a te!
E nisciuno, nisciuno me risponne!
E pure ajere ’o core mio sperava!
Pure ajere, sta vocca te chiammava
e ’o penziero vulava add� stai tu!
Varca sbattuta mmiezo ’a furia ’e ll’ onne,
st’anema mia nun s’accujeta cchi�...

Sto guardanno stu sciore...

Sto guardanno stu sciore ’e passione
ch'� tuttaquanta 'a passiona mia!
E ’o core sbatte, e nun se fa raggionc
comm’ha pigliata chesta malatia...!
Sto guardanno stu sciore ’e passione!
Parla stu sciore, e cu l’addore dice:
“Quanto stu core tuio, vo sta malato!
“Quanto, st’ammore, t’ha da fa ’nfelice!
“Quanto scujeto, e quanto addulurato! „
Parla stu sciore, e cu l’addore dice.
Comm’ha penato Cristo ncopp”a croce,
soffre chisto penziero assai sbattuto!
Senza nisciuno ca Ile d� na voce,
senza nisciuno ca Ile d� n’ajuto,
comm’ha penato Cristo ncopp”a croce!
Cheste so’ ’e llance—e m’hanno acciso ’o core,
e tuttuquanto l’hanno nzanguinato!
Nce veco ’a Morte, dinto a chisto sciore
accuss� cumbinato e appassiunato!
Cheste so”e llance,—e m’hanno acciso ’o core!
E cchesta cc�, chest’ � ’a curona ’e spine,
spine pugnente, ca pugnuto m’hanno!
Nun cresceno cchi� rose, int”e ciardine?
Sti rame, attuorno a me, na sepa fanno!
E chesta cc�, chest’� ’a curona ’e spine!
Chiste so’ ’e chiuove, e a te m’ hanno nchiuvato
comme a tanno nchiuv�ino ’o Salvatore!
Me sento ’o core tutto martellato,
e ’npietto nu Calvario de dulore!
Chiste so’ ’e chiuove, e a te m’hanno nchiuvato!
E chiste so’ ’e martielle, Anema mia,
martielle ca nun sentono raggione!
Manco si se trattasse ’e na pazzia,
m’hanno nchiantato ’npietto ’a passione!
E chiste so”e martielle, Anema mia!
E chesta � ’a scala pe ddo’ so’ sagliuto
pe correre addu te, Turmiento amato!
Nce so’ arrivato, ma nce aggio patuto
comm’a Gies�, ca tanto ha suppurato!
E chesta � ’a scala, pe ddo' so’ sagliuto!
E chesta � ’a spugnetella ’e fele amaro,
ca m’avvelena ’o suonno mio d’ammore!
Ah suonno turmentuso, ah suonno caro,
ah suonno eterno, suonno ngannatore!
E chesta � ‘a spugnetella ’e fele amaro!
Sciore adduruso de l’ammore mio,
sciore cianciuso ca muri me fa,
si nun me siente, tu nun siente a Dio!
Guardeme assai e nun me fa dann�!
Sciore adduruso ’e chisto core mio,
sciore cianciuso ca muri me fa!

Guardeme assai!...

Guardeme assai! Dint’achist’uocchie d’angelo
cchi� care de nu suonno ’e sentimento,
veco pass�, comm’ a nu velo, ’e llacreme;
e dint’’o core na tristezza sento...
Guardeme assai!’ Chesti guardate traseno
comm’ a ddoi spate, dint’ ’o core mio...
Guardeme sempe, pecch� aio’ fernesceno
sti juorne belle, e nce dicimmo: addio!
Tu, che st’ammore mio nun ’o vuo’ sentere,
siente nu poco, almeno, a stu delore!
No, cierti ccose non se ponno dicere
si nun sagliene nette ’a dint’ ’o core!
E si ’o core nun soffre tutt’ ’e spaseme
che n’ ammore po’ d�, priesto perduto,
senza sincerit� nun p�’ fa credere
nu sentimento ca nun ha sentuto!
Guardeme assai, ca chisto desiderio
(ricuordatello!) me l’hai dato tu,
quann’io, ca nun putevo cchi� resistere,
t’ammenacciai de nun guardarte cchi�!
Aprenno ll' uocchie comm’ ’e rrose s’apreno
tu me diciste, (e nun m’’o scordo mai!)
me diciste accoss�: — No, nun po’ essere!
Guardeme sempe, a me! “Guardeme assai 1 „
Emb�, te guardarraggio p’anne e secule
sapenno certo quanto aggio ’a pat�,
si pure doppo a chesta vita misera
ll’uocchie d’’o core cercarranno a te!

Chelli ffronne..

Chelli ffronne ’e carofano schiavone
pareno ’e ggocce ’e sangue ’e chisto core!
Pareno ’o ffuoco ’e tutto chest’ammore
ca m’hai saputo fa veni pe tte!
Comme venette? E tu, comme faciste
pe ttras� tuttaquanta ’npietto a me?
Saccio sultanto c’ ’a primma guardata
me dette ’e smanie, tutta chella sera!
St’ anema mia, tanto malata e nera,
se rischiaraie, senza vul� sper�...
Chella guardata fuie nu raggio ’e luna,
che scenne, doce doce, e fa sunna!
E da tanno, pe tte, me so’ mpazzuto,
e t’ aggio vista, e t’ aggio suspirata!
Senza put� durm�, t’ aggio sunnata,
cercannote cu l'uocchie ’a carit�...
E vivo o muorto, vicino o luntano,
sempe, st’anema mia, te sunnarr�!

Te veco sempe!

Te veco sempe! Sott’ ’a luna chiara,
dint' 'a nuttata ca nun me d� suonne,
tu me cunzuole chesta vita amara,
e ’o core mio te sente e te risponne.
M’accumparisce mmiezo a cante e suone,
e chiano chiano gi� t’accuoste a me,
e puorte scritta nfronte ‘a passione...
Ma dint’a chisto core io porto a te!
Passano ll’ore. ’O suonno mai nun vene,
T anema mia te chiamma e nun se stanca!
Na lava ‘e fuoco me scorre p’ ‘e vvene,
desideranno sta inanella janca...
E spaparanzo l'uocchio addulurato
quase pe t’ attir�, pe t’ assurb�,
comme farr�a nu povero assetato
ca pe mancanza ’e l’acqua po’ muri!

E quanno finalmente s’ arreposa
l’uocchio abbattuto p”a troppa stanchezza,
te vede ancora cchi� maravigliosa,
cchi� risplennente e bella d”a Bellezza!
Ah! Suonno caro ’e chesta vita nera,
palomma janca mia, nun te stanc�!
Tu puorte scritto nfronte ’a Primmavera,
ma dint' ’o core mio lu viemo sta!

Tu me vuo’ bene

Tu me vuo’ bene! ’O ssento dint’ 'ali’ aria
ca t’accarezza sti capille amate,
e me n' addono quanno veco lucere
l’ammore int’ a chili’ uocchie appassiunate!
Tu me vuo’ bene! Quanno veco schiudere
sta vocca bella, cara e piccerella,
cchi� sapurita e rossa de na fravula,
cchi� carnosa ’e na rosa ncrispatella,
io penzo, e sonno, e sento ’ncore scennere
comm’a na luce mbalzamata ’e luna;
e nchiudo l’uocchie, e gi� me credo d’essere
purtato ncopp”a rota d”a Furtuna...
E te veco! E nu raggio dint’all’anema
me scenne a rischiar� sta vita nera,
e te cunosco; e me figuro a n’ angelo,
quanno me stienne sti mmanelle ’e cera!
Io m’addenocchio. E mille vase chi�veno
ncopp’a sti mmane... E mille ancora, e mille...
E nun me stanco; e pare ca se mbr�gliano
’e ricciulille tuoi cu sti capille.
E me scordo l’affanno, ’o chianto, ’e ll�creme
ch’aggio patuto primma ’e te ved�,
e ll’uocchie tuoi redenno me cunz�lano
e resto addenucchiato nnanz’a te!
Ma ’o suonno passa! ’O core torna a sbattere,
na voce torna a di’: Nun te vo’ bene!
Pazzo de frenesia, me metto a correre
pe te cerca, cu ’o (fuoco dint”e vvene,
e te trovo, e te veco! E ciento spaseme,
comm’a ciento pugnale avvelenate,
fanno na tarantella dint’a st'�nema
add� chill’uocchie tuoi stanno nchiuvate!
Ah, Suonno d’oro, Suonno ca nun sazia!
Perdona ’e sm�nie de stu core mio!
Te voglio bene quanto se po’ dicere!
Quanto — te giuro! — se vo’ bene a Dio!

Rose addurose...

Rose addurose ’e maggio! Int’ ’e ciardine
nce sta n’addore d’erva mbalzamata!
Sp�ntano mprufumate ’e ggiesummine,
tutt”a campagna 'e sciure � puntiata.
'O sole ndora ’o munno attuorno attuorno,
arriva add� le pare d’arriv�,
e cu ’o saluto e cu lu buono juorno
l’aneme triste corre a rischiar�.
Ncopp’ ’a fenesta mia, na rosa ’e maggio,
cu nu culore ’e carna tennerella,
se fa cchi� rrossa sott’a chisto raggio,
e cchi� s’arape, e cchi� addeventa bella 1
’O sole ’a vasa mmocca tuttaquanta,
comm’a na vota io te vasavo a tte;
ah, stiennamella, chesta mana santa,
torna a vulerme bene e a penz� a me!

Castiello d’oro...

Castiello d'oro, campaniello ’argiento,
uocchie lucente comm’a nu brillante,
faccella culurata ’e sentimento,
m’ite rummaso scunzulato amante!
Bellezze meie tanto desiderate,
comm’ ’a croce venette pe Gies�,
� venuto ’o Destino e v’ha squagliate...
Add� ve cerco? Add� ve trovo cchi�?
L�creme amare comm”o ffele amaro,
suspire nire ’e nu perduto Ammore,
d’’a passiona mia ricordo caro,
ribbazzato pe sempe int’ ’a stu core;
vuie site ’o suonno ’e tutte li nnuttate,
vuie site ’a spina ca pen� me fa,
e, pe stu core, tanta curtellate,
ca nun se ponno mai cchi� resan�!

A farte bella...

A farte bella Dio nce s’� spassato,
ma mo’ cu mme te stai spassanno tu!
T”e miso mmano chisto core mio
comm’a na pazziella ’e criatura!
Bella e crudele, tu nun hai paura
de farle male e d’’o put� spezz�!
L’’e dato corda, e mo t”o guarde e ride;
isso cchi� strilla, e tu cchi� ’o fai strilla!
Che vuo’ da me? Vuo’ vencere? ’E vinciuto!
Stu core ha ditto s�! S’� cunfessato!
Primma redeva, e tu nun l”e vuluto,
e ha perduta ’a scummessa e s’� cagnato!
Li pp�nte acute de chist’ uocchie belle
l'hanno passato a pparte a pparte; e mo,
doppo d’averlo miso mmiezo ’e stelle,
t”o miette sotto, ’e piede e dice no!
Ha cantato, pe tte, cose d’ammore
ca mai nisciuno te l’aveva ditte!
Nzanguinate, cu affanno e cu delore
t’ ha scritto cose ca nisciuno ha scritte!
S’� tutto apierto comm’a nu granato
e ha ditto: Fa de me chello che vuo'!
Ma tu l’’e visto tanto addulurato,
e, Bella e Nfama, T ’e rispuosto: No!
Suddisfatta e cuntenta, allegramente,
mo’ ca stu core ha perzo ogne virt�,
redenno d”e delure e d’’e lamiente,
tu nce pazzie, ma nun te mporta cchi�!
E nun fa niente! Sulo l’� abbastato
de sap� buono ’o spantec� che d’�;
e, comme Gies� Cristo ha perdunato,
isso perdona e benedice a te!

Stu cielo...

Stu cielo nun me pare cchi� celeste,
e chisto mare nun me parla cchi�!
Dint’ a stu core mio tutt’ ’e ttempeste
so’ scatenate, ’a che nce manche tu!
Core scuieto, afflitto e puveriello,
ca sta murenno e nun po’ chiamm� ajuto!
Muri na vota sola � assai cchi� bello
ca muri ciento vote ogne minuto!
Io guardo ncielo: ‘a stella cchi� lucente
me pare nera comm’a notta nera;
e na lava de lacreme cucente
m’abbrucia l'uocchie comm’a na vrasera!
E penzo, e sonno, e me ricordo, e chiagno,
speruto, Ammore mio, de te ved�,
e me pare 'e sent�, dint’ a nu lagno,
ca tutt’ ’o munno chiagne appriesso a me!
Ah! Me credevo d’essere cchi� forte,
e me credevo ’e ten� cchi� speranza...
Ma t’ aggio ’a di’ ca peggio assai d’’a Morte
so’ sta mancanza e chesta luntananza!
Me sento ncapo ’a tarla d’’a pazzia,
ca tu vulenno, nun t’ ’a sunnarrai!
E me d� nu turmiento e n’ agunia
ca dura sempe e nun fernesce mai!
Me pare ca nun sguigliano cchi� sciure,
ca tutt’'e ggente tribbulate vanno;
ca dint”o core mio tutt”e delure
de tutt”o munno appantanate stanno...
Nchiudenno l’uocchie, emb�, te veco, � overo,
ma tu, cchi� nun ce stai vicina a me!
Te tengo tuttaquanta int’ 'o penziero,
ma... chi me stregne ’a mano comm’a te?
Chi me d� forza? Chi me d� curaggio?
Chi me d� vita, mo’ che manche tu?
A tutte, ’o sole po’ men� nu raggio,
ma ‘o raggio ’e l’uocchie tuoi nun vene cchi�!

Bella

Bella’ ca de li belle si’ riggina,
uh quanta pene ca faggio ’a lassare!
T' aggio ’a lassare dimane mmatina,
ca ‘o vasciello me porta ’a fora 'o mare!
Dint' ’a stu core nce tengo na spina,
ca me fa ’o sango perdere a sciummare;
bella, tu m”a pu�’ d�, na medicina,
famme sta grazzia, si me la pu� fare!
L’ammore, ch'accummencia pe pazzia,
fernesce sempe cu suspire e guaie!
N’angela ‘e cielo chiammata Maria,
truvaie stu core spierto e s”arrubbaie!
Apprimma io nun perdette l’allegria,
’a facette part�, nun ce ’o cercaie,
ma mo, sulo e desierto, ’a casa mia,
vaco alluccanno sempe: — Add� starrate?!
Fronna d’aruta ch’ogne male stuta,
vide stu ffuoco si m’’o pu� stutare!
L’anema mia che ghiuta e ch'� venuta
sperava sempre ’e nce put� parlare!
Ma mo tutt”a speranza aggio perduta,
e a lietto cchi� non pozzo arrepusare,
e st’anema, lassata trista e muta,
va jenchenno de lacreme nu mare!

Nnanz”o canciello...

Nnanz”o canciello d”o ciardino richiuso,
st’anema mia, tremmanno, s’� fermata.
Faceva friddo. N’aucelluzzo nfuso
zumpettiava ncopp”a ferriata.
Luntano, mmiezo all’erba scarpesata,
aggio visto, cu l’uocchio pauruso,
’a casa cu ’a fenesta ribazzata
e so’ rummaso tutt’appecundruso...
E m’� parza na casa abbandunata,
mmiez”o ciardino, cu ’o canciello nchiuso...
’O cielo ’� vierno, tutto annuvulato,
chiuveva nterra l�creme ’e delore.
Sott”a stu chianto io me songo abbagnato,
e aggio ntiso d”e ll�creme ’o sapore...
Nu juorno sano sano aggio, passato
penzanno sempe e nun cuntanno ll’ ore,
e 'o core mio tremmanno t’ ha chiammato
e ha cercato nu suonno ngannatore.
E aggio aspettato... E quanto aggio aspettato!
E me scenneva ’a notte dint”o core...

E so’ turnato ’a casa e faggio scritto,
e ’a carta ’e chianto amaro s’� ammacchiata!
E faggio apierto ’o core, e faggio ditto
quanto, st’anema mia, t’ha suspirata!
Io stesso, tristo, appaurato e afflitto,
so’ ghiuto ’a posta e ’a carta aggio mpustata,
e ’o juorno appriesso, sulo e zitto zitto
me so’ fermato nnanz”a cancellata...
Ma nterra ll� (chi me l’avesse ditto!)
aggio truvato ’a lettera... stracciata!

T'aggio sunnata

T’aggio sunn�ta int’a na varca d’oro
mmiezo a chest’acque de Venezia mia,
add�, guardanno attuorno, � nu tesoro,
suonno de l'uocchie e de la fantasia!
Vista e nun vista cchi�, faggio suonata
e aggio strette sti. braccia attuorno a te!
E chella vocca bella aggio vasata,
ca sape di’ l’ammore che rrobb’�!
Metteva ’o sole, dint’ 'o cielo chiaro
e dint’ 'o core mio, na striscia ’e fuoco.
’A varca jeva senza maren�ro,
tu me murive nbraccia a poco a poco...

E j�vamo accuss�, pe sta lacuna,
palpetanno d’ ammore comm’a cche;
po me parette che saglieva ’a luna,
comme st’anema mia saglieva a te!
Ma ’o suonno � suonno! Sulitario e muto,
vaco giranno comm’a nu dannato!
Sta varca ca me porta � nu tavuto,
e chisto cielo � tutto annuvulato...
E sti bellezze ca me stanno attuorno
nun songo belle! E vuo’ sap� pecch�?
Pecch� penzo ch’annotta a miezojuorno
quanno tu nun ce stai, vicina a me!

Oi stelle...

Oi stelle ca currite pe lu cielo
e cu nu filo ’e. fuoco vuie filate,
pe piacere, diciteme add� jate,
pecch� nzieme cu vuie voglio veni!
Jate luntane? E quanno ve fermate?
Stelle lucente, m”o vvulite di’?
Stelle lucente, jate add� dich’ io!
Add� l’ammore mio v’aspetta e penza...
Voglio veni cu vuie! Date licenza
a chisto core stanco d’aspett�!
Na luntananza e na mala spartenza
l’hanno fatto assetato addevent�!
Vuie ’a sapite, oi stelle ca currite!
Tene duj’uocchie ca so’ comm’a vvuie!
E nce simmo abbruciate tutt”e dduie
e st’uocchie ’a vonno, p”a put� ved�...
Stelle, vuie nun sapite comme fuie
ca ’o ffuoco lloro m’ ha distrutto a me!

Stelle lucente, stelle ca filate,
stelle che gghiate e ve purtate ’o core,
cunziderate vuie, stelle d’ ammore,
ca chisto pietto cchi� nun po' suffr�...
Passano, oi stelle, a ccentenare, ll’ore,
e pareno mill’anne!... � nu mun�
Add� vedite doie cumpagne belle,
oi stelle d’oro, oi stelle ca currite,
fermateve a guardarle, e Ile dicite
ca, disperato, io perdo ogne virt�!
E nun me cuffiate, e nun redite,
pecch� st’anema mia nun ne po’ cchi�!

Tu duorme...

Tu duorme, io veglio! E quanno sto sedato,
pecch� ’a notte nun pozzo arrepus�,
te sonno, e cu chist’uocchio affaticato
te veco dint”o suonno smani�!
Che stai, sunnanno, Sciore ’e passiona?
Pozzo spera? Pozzo sap� che d’�?
No! So’ pazzo! Perdonarne! Perdona!
Io nun me credo ca te suonne a me!
Io nun me credo ca tu me vuo' bene,
e, ’a verit�, nun ce aggio mai creduto!
Ma penzo a stu Destino, e a chesti ppene,
e a chisto core, appriesso a te perduto!
Duorme cuntenta, Sciore mio d’ammore!
E quanno ’o sole all’alba arriva a te,.
te porta tutt’’o fuoco ’e chistu core,
ma nun fa niente, si nun pienze a me!
Quanta vote, tremmanno ’e sta pazzia,
aggio tanto penzato ’e te scurd�!
E quanta vote chest’anema mia
ha ditto all’uocchie miei: Nun 'a guard�!
Ma pe fa chesto, Core mio d’ammore,
pe nun te suspir�, pe nun pat�,
n’ ommo, che t’ha fissato a tutte ll’ ore
nun ha da fa nient’ato: ha da' muri!
Duorme! Io te metto na curona ’e rosa
ncopp’a sta fronte e a sti capille nire!
Duorme, nun penz� a me! Duorme, arreposa!
Tutt”e spine ’e ttengh’io! Tutt”e suspire!
Voglio sunn� cu l’uocchie apierte ancora
e albanno juorno te voglio vede
schiudere chella vocca arrobbacora
comm’a nu sciore ncopp’a nu buch�!
E voglio cad�. stanco e affaticato
nun saccio add�, pe te put� sunna,
cchi� bella de nu sciore ch'� sguigliato,
ma cchi� crudele ’e tutt”e nfamit�!

Stongo screvenno

Stongo screvenno: e ’o primmo raggio ’e sole
me vene a ndur� ’e ccarte nnanz’a me...
Sia beneditto! Isso me d� ’e pparole:
bello e lucente, rassumiglia a te!
Isso me dice: “P�rlele d’ammore!
“P�rlele sempe e mai nun te stanc�!
“Dille ca tene ’a vocca eh' � nu sciore
‘ e l’uocchie suoi songo na rarit� 1
“Dille ca tu, cu ’o core appassiunato,
“’a vurrisse purt� vicino ’e stelle,
“pe lle di’, nnanza ’e piede addenucchiato:
“Bella, sultanto tu, nfra tutt’ ’e belle! „
Ah, sole mio cocente! Ah, sole ’e fuoco,
ca chisto core mio viene a scet�,
p�rlace tu, cu Essa, pe nu poco,
e falle cap� tutt' ’a verit�!
Falle cap� ch'’a voglio tanto bene,
ca, si vulesse vederme muri,
io lle darr�a, cu ’o sangue ’e chesti vvene,
sta vita mia, dicenno sempe: S�!
Guarda: aggio scritto! ’O primo raggio ’e sole
m’arriva nfronte, e vene a rischiara
tutt’ ’e penziere! Add�rano ’e vviole!
� primmavera! ’O vierno nun ce sta!
Nun ce sta niente! Nc’ � l’ammore mio!
St’Ammore ca te vasa e t’accompagna,
ca crede a te, comme credesse a Dio,
speranno tutt’ ’o vverde d’’a campagna!
Speranza grossa! Speranza felice!
Ajere, cu chill’uocchie ’e passione,
diciste cose ca nisciuno dice,
chiene de tenerezza e spressione!
Io te guardava e nun me sazziava!
Tutto pareva bello attuorno a me!
’O cielo, ’o sole, ’o mare me parlava,
e me diceva: � bella! E over’�!
� bella! � bella! � bella! � troppo bella!
Sp�nteche, suoffre, muore, ma che fifa!
� caduta da ’o cielo! � rara! � stella!
Gu�rdala mmocca! E resta a suspir�!

Guardeme sempe

Guardeme sempe! Guardeme,
pure quanno de me cchi� nun te mporta!
Chist’uocchie miei, stu core, se cuntentano,
pure si fosse na guardata storta!
Guardeme! ’A dint’all'anema
saglie sta voce, ammore mio crudele!
Nun m’’e pozzo scurd�, chist’ uocchie d’angelo,
chesti ddoi stelle ch’arrubbaste nciele!
Pazzo e scuieto, (p�nsace!)
tu m'’e miso n’appicceco int”o core!
L’anema e isso, ciento vote, giurano;
ma po’, giuranno, moreno d’ammore!
Giurano e se prummettono
de te scurd�, de nun guard�... Ma che!
Si n’ora nun te vedono,
scorreno sangue, e chiagneno pe tte!
Tu l’’e vulute, e tuttuquante ’e palpete
de chisto core a tte songo venute!
Mai comm’a mo sti spaseme,
accuss� forte, mpietto aggio sentute!
Mai comm’ a mo me songo ntiso scennere
mpietto ’e gguardate toi comm’a ddoi spate!
Songo luce d’ammore e songo l�creme,
so’ ragge ’e sole e songo curtellate!
Te ricuorde? Sti mmane accarezzavano
chilli capille tuoi, chella faccella...
Mmiezo ’e vase, sti labbre murmuravano,
tremmanno, ’o nomme tuio, dicenno: Bella!
E chistu core, ca sentette ’e palpete
d”o core tuio, ca mpietto a me sbatteva,
steva murenno, e riturnaie a n�scere,
e spantecanno, te benediceva!

Tu te ricuorde? ’A vocca toia, vasannome,
chiammava, mmiezo ’e vase, ’o nomine mio;
e chill’ammore me facette nd�nnere
comme po’ n’ommo addevent� nu ddio!
Mo te veco ’a luntano! ’O core smania,
l’anema soffre mille vote e mille,
’a vocca tremma, ’e mmane me se torceno,
ca vonno accarezz� chilli capille!...
'E tutt”o sangue mio me sento voliere
da dint”e vvene, e scotta comm”o (fuoco;
e stu core, furnace ’e desiderio,
ardenno se cunzuma, a poco a poco!...
Fallo pe carit�; nun me fa struiere;
nun me d� cchi� tutte sti mmorte ogn’ora!
Viene addu me; viene cu me; cuntentame!
Fatte vas�, si me vu� bene ancora!

Nchiudimmo ’o libbro!...

Nchiudimm’ ‘o libbro I Dinto nce sta scritto,
punto pe punto, ’a storia ’e chisto core;
chello ch’aggio sunnato e ch’aggio ditto;
gioie, speranze, smanie, ogne delore!
Nce stanno sentimente, affanne e lacreme,
turchino ’e cielo, voce ’e primmavera,
e tutte li suspire, e tutt' ’e sp�seme
suppuriate pe tte, Stella d”a sera!
E l’uocchie tuoi nce stanno, l’uocchie belle
ca male p bene m’hanno fatto assaie!
Nce stanno rose, e spine, e luce ’e stelle,
e ’a vocca toia ca tanto me vasaie!
Passa, pe miezo a tutte chesti p�ggine,
suspiranno pe tte, l’anema mia,
e vede sempe a chella faccia d’angelo,
muntagna d’oro, e specchio ’e simpatia!
Viato a chi nun penza all’avvenire,
a chi nun tremma ’e chello che sarr�,
e marina arreto li penziere nire
e se cuntenta d”a felicit�!
Io, ca guardo luntano e sento ’e palpete
de stu core perduto appriesso a te,
addenucchiato, te ne prego: Scordarne!
Fa comme mai m’avisse visto, a me!
Venarr� riempo, — (che penziero tristo!)
ca manco sunnarrai ca t’aggio amato
Ca manco sunnarrai d’averme visto
tanto scujeto e tanto nammurato!
Nun penzarrai ca cu sta vocca ’e zuccaro,
vocca azzeccosa e doce quant”o mm�le,
pe tramente int’ all’ uocchie nce guardavemo,
m’hai dato ’e vase ca se danno ’nciele!
Nun penzarrai ca stretta a mme, dicive:
“Guardeme sempe e nun te stanca maie! „
Ricordatalo! Tu nun ce credive,
a chist’ammore che me nn�mmurate!
Venarr� tiempo — (che penziero niro!)
ca turnarraggio str�nio pe tte!
Ah, comme tremma, dint'a nu suspiro,
st’anema disperata, ’npietto a me!
Io songo comm’a chi, nun nato ancora,
gi� penza ’a morte e gi� se mette ’o ilutto!
Sia maleditto ’o mese ’o juorno e ll’ora
ca t’aggio vista, e nun me so distrutto!
E maledetta sia, perseguitata,
sta vita mia ca nun se vo’ spezz�;
st’anema mia, appriesso a te, dannata,
ca resta eternamente a spantec�!
Nchiudimm”o libro ll’uocchie gi� se nchiudono
pe nun te guard� cchi�, pe nun ved�
comme dimane tu, penzanno a n’auto,
m’avrai acciso senza nu pecch�!
Te cerco sulamente n’auta grazzia,
l'ultima, Ammore mio, ca me pu�’ fa:
Vasa stu libbro, ncopp’ a chesta paggina
e ’o core mio se sentarr� vas�!

FINE

Ai sensi della legge n.62 del 7 marzo 2001 il presente sito non costituisce testata giornalistica.
Eleaml viene aggiornato secondo la disponibilit� del materiale e del Webm@ster.