Riportiamo
- in lingua originale la quarta pagina del giornale napoletano LO
CUORPO DE NAPOLE E LO SEBBETO del 9 luglio 1860.
Leggendo
NOTIZIE DE SICILIA ci siamo ricordati della polemica scatenata da Antonio Socci nel 1994
(La Chiesa e la questione risorgimentale italiana, di Socci A.,
in Processi alla Chiesa, Casale Monferrato, a cura di Cardini F., 1994.), in cui si parlava dei
finanziamenti alla spedizione di Garibaldi. Ebbene, la notizia dei
finanziamenti, come emerge da questo giornale del 1860 circolava a
pochi mesi dallo sbarco, ma non è mai finita nei libri di
storia.
Si
è dovuto aspettare oltre un secolo per averne notizia in un
libro.
Ci
dispiace per gli amici che non leggono il napoletano,
ma preferiamo non tradurre in italiano la pagina e la riportiamo
così come essa è in originale.
Buona
lettura e tornate a trovarci.
____________________________________________________________________________________
Fonte:
LO CUORPO DE NAPOLE E LO SEBBETO - 9 luglio 1860 - pag 4
NOTIZIE DE SICILIA
(TERATE A ZZUCO DE
CARAMELLA!)
— E haje letto
tu propeto?
— Letto io no,
ca tu saije se io saccio leggere, ma l’aggio ntiso diccre da
Don Antonio...
— Lu cecato che
sona tu violino? . ..
— Che cecato, e
biolino... Don Antonio, non lu ssaje, chillo ca dinto a lu
caffè de lli Pappavalle spacca ntunno ncoppa a tulle lle
cose de la jornata!
— Ah ...
cancaro! ... Dou Antonio Pesatutto? Capisco... – vanne
dicenno che t' ave ditto.
— Mprimmese et
antemonia
m'à parlato de la Sicilia, e m' a ditto cose grosse,
compà. Niente de manco se tratta ca llà a Ili
principie de lo mese passato sse tirata na leva commisò, e a
lli 18 so già partute li cuscrtte ppe Messina. Se farranno
otto battagliune de Carcciature chiammate dell’Ettena
— E chesso è niente. Se stanno formanno 20
reggimiente, tutte de pajesane de llà, a Ili nfuore de
dudecemilia volontarie taliane. Surdate llà sbarbano ogne
momento. Da poco tiempe Medice à sbarcate aute quattomila
cristianielle. Treciente francise stanno a Genua, aspettando lu momento
de ligarese a spavo duppio, co chillo spireto folletto de Don Peppino
Galubarde. Lli cannune se stanno fonnenno: la forza de mare so sta
renforzanno. Mo so arrevate purzi tre bascielle Angrìse e
aute tre fragate Amerecane. Pe denare pò non te dico niente.
Pe nfi l'Amrreca s sforna piezze de durece quarrine e manna Nsecilia. A
Ttorino (cetà, non panelluccio) se danno accademie prubbeche
a beneficio de Galubarde. Da tutto lu munno, chioveno denare. Nzomma,
compà, l’affare pesa, e Don Antonio quanno lo
deceva ngrassava, e ... non te pozzo
dicere tutto
— accossì a fernuto.
— Mamma mia,
che me dice, Compare mio. E pecché chesso non nce
l’ave ditto lu Giurnale de tu Regno?
— Te pare! ..,
basta, te l'aggio ditto io mo, e...
—
Compà, non perdimmo tiempo: chesse sso cose ca
l’anne da sapè tutte. Voglio i a trovà
Mineco, lo siè Tonno, lo ...
—
Aspè ... ma tu capisce ... la segretezza ., .
— Compa...
embè... mo m' affienne — Tu llu ssaje: nuje simmo
de lu Quartiere, moncevò; simmo sciacquante antiche e tanto
avasta. Non dubbità: damme no vasillo.
— Co tutto lo
core.
C. R.
LA NOCCA DE TRE CCOLURE
(Canzona ncoppa a lu
motivo de lu ZOCCOLARO)
Quant’è
bella la bannera
Verde, janca e rossa, oje
mà,
Io dall'arba nfi a la
sera,
Me la stongo a
smiccià —
Guè, si tu non
cride a mne,
te la mosto porto a tte.
Tiene cca,
chest’è la nocca,
Tte la voglio
rialà:
Miettetella mo a la
chiocca,
Ca paura non nce sta
—
Gue, si tu non cride a
mme,
Ppe Tuleto va a
bbedé.
So dde nocche lli
bbetrìne
chiene tutte mmiezzo
llà;
E bajasse, e signorine
Se lli banno ad
accattà —
L'ave ditto mò
llo Rre,
Cchiù paura
no, non nc'è.
Saie pecché de
tre ccolure
La bannera vide
ccà? —
Mmocc' a tutte lli
signure.
L'aggio ntiso
allebrecà —
Guè, si tu llo
buo sapè
Statte zitto, e siente a
mme,
Chillo verde è
la speranza
Che nce à
fatt' assennecà,
E perimma int'a la panza
Nce ave fatto
fravecà —
Tanta siente
nè, pecche?
Sto colore ppe
bbedè.
E lo janco ò
assaje carnale
Sa che bò
segnificà?
Ca nuje simmo
tutt'eguale:
Simmo frate e ... basti
cca —
Chi l'avesse ditto a
ttè,
Chesti ccose de vede?
E llo rrusso che
pò spezza
Tanto bbello mmiezzo
llà?...
È la gioia, la
prìezza
Che nce fa
svertecellà —
Chesto ditto manno a mmme
E llo ddico purzl a tte.
Nfi lli mazze de lli
sciure
Dp sta nocca stanno a
ffa...
Beneditte lli colure
De la bella
libertà!!!
Và, alluccamm,
mena me,
Ca paura cchiù
non nce.
T. R.
___________________________________________________________________________
Gerente — SALVATORE DE MARCO
___________________________________________________________________________
SI VENDE
Nella Stamperia SALVATORE
DE MARCO — Vico S. Niccolò alla Carità
___________________________________________________________________________________