A MASTO LIBORIO
NO MANIPOLO
MASTACCERONE
FA STA CRIANZELLA Masto
Libò, viata chella mamma che te facette; se fede propeto ca
saie
fravecà pulito a sto curzo de via nova a l’ausanza
de l’antiche Romane. È lo vero ca lo ngigniero e lo screvano
s’hanno pensato de t'appilà la
vocca co sta palata de pane muscio, pe non fa ji nnanze sta fraveca, e
pe non fa da a voce a li guagliune c'ancappano le prete a lo
manganiello, ma è lo vero purzì ca tu da viecchio
cane guardiano non te
sì stennuto a lo sole pe le la menà n'canna: la
tiene pesola pesola
mpont'a li diente, vuole ll'uocchie attuorno, murmulije e truone
n'cuorpo, e non t'arresulisce de nce da no muorzo pecchi non
sì
frabutto, e manco magna-magna o secuteme chisso;
sì de taglia antica e
de core apierto: e pecchè staje a panza sazia, sguancie ma
non te
chiave ncuorpo sta scorza co la merca, abbrusciala e chiena de vrenna;
puorte nnanze l'opera, e magne pane de lo meglio sciore de Farina. Evviva masto Liborio. |