Eleaml


Riportiamo - in lingua originale la terza pagina del giornale napoletano PULECENELLA E CASANDRINO - GIURNALE POPOLARE CUSCIENZIUSO E NSEMPRECE DE LA MATINA - Anno I – Giovedì 24 Ottobre 1861.

Interessante lettura quella di "PECCHE’ CIALDINI SE NE VO IRE?".

L'ipotesi che la Destra Storica abbia giocato a rimpiattino col brigantaggio per aver mano libera nelle provincie napoletane è stata adombrata anche da qualche storico moderno.

Ci dispiace per gli amici che non leggono il napoletano, ma preferiamo non tradurre in italiano la pagina e la riportiamo così come essa è in originale.

Buona lettura e tornate a trovarci.

Webm@ster - 24 agosto 2006
____________________________________________________________________________________


_____________________________________

Fonte:
PULECENELLA E CASANDRINO
- GIURNALE POPOLARE CUSCIENZIUSO E NSEMPRECE DE LA MATINA
- Anno I – Giovedì 24 Ottobre 1861
_____________________________________




PULECENELLA E CASANDRINO - GIURNALE POPOLARE CUSCIENZIUSO E NSEMPRECE DE LA MATINA - Anno I – Giovedì 24 Ottobre 1861


PULECENELLA E CASANDRINO - GIURNALE POPOLARE CUSCIENZIUSO E NSEMPRECE DE LA MATINA - Anno I – Giovedì 24 Ottobre 1861 PULECENELLA E CASANDRINO - GIURNALE POPOLARE CUSCIENZIUSO E NSEMPRECE DE LA MATINA - Anno I – Giovedì 24 Ottobre 1861

PECCHE’ CIALDINI SE NE VO IRE?

Chesta è l'addimanna ca ognuno fa.

E’ curiosa la storia. Se capesce ca sempre uno non po essere, picchè simbè fosse scanne de fierro, pure se strujarria stanno a la testa de lu guverno.

E po addimanno io Cialdini pecchè era venuto? Pe distruggere li brigante da coppa a lli mmontagne, li quale cu na capa tosta cchiù de nu calavrese vulevano trasi a forza dinto Nàpole. Mme stanno ancora mpresse chelle parole belle che stevano dinto a lu programma quanno trasette Cialdini: Se il Vesuvio rugge, Portici trema.

Aveva ragione. E’ troppo lui veru chesta bella massema.

Cialdini venette cu lu fermo proposeto d'ammasunà lu brigantaggio.

Va dà retta mo a lli mmale lengue, che sempre nce stanno, le quale diceno ca tutto s’è fastto fuorchè distruggere li brigante.

Piezze de ciucce le vurria risponnere, e non avite viste correre li spedizione pe sotta e pe ncoppa: non avite cecate a bedè quanno a la parte de Somma, de Santo Nastaso, e tante autre paise e songo juto tridece berzagliere, duje carrabiniere, e otto guardia nazionale mobele, senza cuntà n’appendice de guardie de pubbreca sicurezza.

Ne pecchè so ghiuto?

Pe li brigante. A chi anno fucate? A li brigante, ca po chilli male cristiane se ne sonno scappate comm’a fruvole pazze da lli mmane, ne' anno forza corpa lloro ?

Manco pe suonno, quanta vote anno fatto l'obbreco loro, comm’a chillo cunto de chillo signore, lu quale se jeva a senti la messa, a Ili quatto doppo miezzo juoro o truavava la cchiesia nchiusa.

Chello che è certo pò si è, ca si cu la forza fiseca non se n’è cacciato nu cuorno, la morale è stata assaje putene, pecchè lli brigante sapenno Cialdini de che panne vesteva hanno penzate de starsene ncoppa a lli muntagne mmece de scennere chiù abbascio; acunsequenzìa o di riffa, o de raffa la cosa non è ghiuta nnanze.

 Addimmanno io po che nc'aveva da fa chiù cca lu Luogotenente.

Mo che li brigante songo state tutte distrutte, lu Generale ave penzato de lassà lu guverno civile, ngaricannose sulamente de lu militare, e tornaresenne a Turino, o a quacche auta parte.

CHELLO CHE VULEVANO LI NAPULITANE

Che li viveri fosseno juto a buon prezzo.

Che la Cetà mmece de spennere danaro a spariaxxxx l’avesse  convertuto a opere bone.

Che li ministri avesseno fatta la vera justizia.

Che li faticature avessero avuto mezzi de fatica.

Che lu governo avesse penzato a cose serie.

Che la povera gente avesse avuto sfogo.

Che lu spionaggio se scumpesse.

Che li mariuole fosseno distrutte.

Che lu galantommo fosse garentito.

Che l’impieghe se fosseno date pe concurzo.

Che lu merito fosse juto nnanze.

Che la parola monopolio se fosse scassata da dinto a lu Calapino.

Che li capezzune non avesseno fatto ora pro me.

Che Napoli fosse juto nnanze e nno arreto.

COSE NOVE E COSE VECCHIE

— Che era Napole ?

— La Capitale de lu regno.

— E mmo ?

— E na Provincia.

— Lu governo do primmo che faceva?

— Faceva l’indiano.

— Chisto presente che fa ?

— Recchie de campane.

— Lu popolo apprimmo pecchè se lagnava?

— Pecchè se mureva de famma.

— Mo pecchè s'allamenta?

— Pecchè lu ppane va caro.

—  Qua era la classa ch’apprimmo soffreva cchù?

— Lui miezo ceto.

— E pecché ?

—  Pecchè  era ammiseruto, affritto, senza mezze, senza prutezione.

— E mmo?

— Isso stesso pecchè non le commiene de fa tutto chello che fa nu banchiere e nu po ottenè nisciuna cosa senza uno che lu votta.

— Pecché primmo non se poteva avè n’impiego?

— Pecchè lu guverno faceva chello che lle veneva ncapo.

— E mmo?

— Tutte li supreche hanno sfogo prubbecannose ncoppa a lu giornale afficiale; e pure è na cosa.

— Comme stevamo apprimma?

— Malate assaje.

— Comme stammo mo ?

— Cu na freva piccia piccia che nce struje senza manco fareccenne addunà.

— Lu guverno de primmo che faceva?

— Arrubbava.

— E chisto de mo ?

— Se fa arrubbà.

— A lu potere apprimmo chi nce steva?

— Gente che faceva ora pro me.

— E mo cbi nce stà?

— Uommene che penzano sulo pe lloro.

LA FESTA DE LU PLEBISCITO

Lu Municipio nuosto non fa autro che spennere denaro pe lli feste.

Chesta mperò era na cosa che nce voleva. Na festa popolare de chesta manera, mmeretava d’essere ripetuta.

A lli tante novità noste e a chelle che sucedeno a la jurnata n'autra nce voleva, ed è chella che l’antica chiazza de S. Francisco de Paula da Lunnedì ‘npoje se chiamma Chiazza de lu Plebiscito.

La cosa cammina. Nomme nuove a li strale, alluminazione, truone e   tricchitracche e  s’è fatta l’Italia Una.

Non mporta che po lu popolo s'allamenta che lu ppane va caro, quanno ave 1000 cammise e 500 coperte de lana. Si non autro vedenno Tuledo alluminato te siente allarià lu core, e scosere la sacca.

Ma ncoppa a chesto po lu povero Municipio non c’entra.

Isso è acca dinto a li lettere. E cummannato e ubbedesce.

Da pate è addeventate figliastro, comme Napole da Cetà s’è cumrnertute a provinciaa.

E cca la cosa pure cammina.

Avesta ca se penza per farece magnà, e si no... l’affare non cammina cchiù.

____________________________________________________________________________________


Articoli tratti da giornali pubblicati a Napoli tra il 1860 e il 1861








 








Torna su





Ai sensi della legge n.62 del 7 marzo 2001 il presente sito non costituisce testata giornalistica.
Eleaml viene aggiornato secondo la disponibilità del materiale e del web@master.